Nuus24 het lesers op hule Facebook-blad gevra hoe hulle voel oor die moontlikheid dat kondome by skole versprei kan word...
Lizel Koen Bezuidenhout: “Dit is verregaande! Nee o hel dit is nou...dit is reg my kind jy mag voorhuwelikse seks hê, ons tref voorsorg. As elke ouer net die moeite doen dat hul kinders verstaan dit is nie lelik nie en ook nie sonde nie, maar daar is 'n baie goeie rede hoekom ons Vader wou hê dit moet binne die huwelik gebeur. Dit is iets mooi tussen mense wat werklik lief is vir mekaar en nie net as "wellus" die oorhand neem nie. Die jeug van vandag is reeds verward, maar hou so aan, ons maak ons kinders hopeloos te vinnig groot!”
Ina Vrettas: “Mense, kinders mag al op 12 aborsies laat doen sonder hul ouers se toestemming. Laat die skole asseblief die goed uitdeel waar ’n behoefte is en waar ouers hul kinders aan hul eie lot oorlaat.”
Margret van Sandwyk: “Realiteite. Waar daar hormone is gaan daar SEKS wees! Ons almal was jonk en super lustig! Met kondome makliker beskikbaar sal daar verseker minder swanger tieners wees! Die verband met beskikbaarheid van kondome en seks hang van die mensie af, ten minste kan hul dan beskerm wees teen geslagssiektes en ongewenste swangerskap! Wonderlik vir die tieners wat hul maagdelikheid wil behou, realisties is dit maar 'n druppel in die emmer wat dit wel sal doen!”
Sean O'Brien Snr: “Dit is absoluut verregaande! Kommunistiese doktrine wat voorskryf om die jeug te korrup en morele en godsdienstige waardes af te breek! Divide and conquer! En guess what, hulle kry dit reg, want ons wat eens 'n Godvresende nasie was kan nie eers saamstaan teen Mammon nie!”
Esmarie Smith: “Wel hulle doen dit in elk geval, dit maak dit darem so bietjie veiliger as hulle ten minste beskerming het van seksueel oordraagbare siektes en swangerskap. Gesels maar met oopkop tieners en julle sal geskok wees hoe dit deesdae regtig in die skole gaan. Daar is geen vergelyking met hoe dit in ons dae was nie. Al wat ek kan sê; DIS WOES!”
Thinus Lotz: “Die land gaan word soos Amerika, met miljoene wat nie matriek behaal nie en net soveel tienerswangerskappe het. Ja die land raak soos Sodom en Gamora, ons brand net op ’n ander manier."
Delene Pienaar: “Die realiteit is 80% van tieners is seksueel aktief! Al maak ons wat, dit gaan NIE verander nie! Die enigste rede hoekom ek die verspreiding van kondome voorstaan, is om 'n bevolkingsontploffing te voorkom! Hierdie land kan nie meer ellende en armoede hanteer nie!”
Philippa Hayes-Render: “As Christen, nee, voed kinders op met Christelike waardes en sedelike normes! Realisties gekyk na die jeug – hulle is verby die fase van Sondagskool-praatjies oor bytjies en blommetjies! Dus, waar trek jy die lyn? Seksueel oordraagbare siektes, ongewenste swangerskappe, trauma van aborsies of kinders wat in die wêreld gebring word om verwaarloos te word? Ongelukkig voel nie alle ouers soos ons Christene rakende die sakie nie.”
Wilma Crous: “Ek het onlangs met tieners 'n gesprek gehad... my mond het oopgehang. Dit help nie ons "voel" dis verkeerd en nee nie – hulle gaan eksperimenteer en dit doen, of ons dit goedkeur of nie. Ek sal liewer dat hulle dit versprei, want die kinders is doenig... Liewer dit as sonder dit. Voel ook dwelmtoetse moet gereeld gedoen word. Kinders van vandag is wild, ongedissiplineerd en hulle het geen dryf nie. Wil nie werk nie, nog minder studeer. As jou kinders nie so is nie – bid en dank die Here daarvoor en om hulle daar te hou, want die meeste kinders het hul pad reeds verloor.”
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
