Menings verskil oor e-boeke
deur Nuus24-lesers
2012-02-20 12:30
Só voel Nuus24-lesers oor e-boeke...
Hanlie Ippel (’n oud-bibliotekaris): “My bekommernis oor e-boeke is dat dit dalk die volgende pad kan loop: 1. Jy koop jou e-boek leser teen x bedrag. 2. Jy koop jou boeke. 3. Jy koop nou oor ‘n paar jaar ‘n nuwe leser want die oue werk nie meer so lekker nie – of nog erger – werk nie met die nuutste boeke nie! 4. Nou sit jy met die probleem dat jou ou boeke nie meer leesbaar is nie (baie soos ou programme wat nie werk op nuwe rekenaars nie). Dan kan niks die plesier weg vat van op jou boude sit omring deur boeke wat jy kan uithaal en deurblaai nie.”
Kommentaar op Nuus24 se Facebook-blad:
Thea Grobler Vd Nest: “Nee! 'n E-boek kan mos nooit 'n gedrukte boek se reuk en voel vervang wanneer jy in die tuin in jou geliefde hoekie sit en lees nie!”
Suneth van Rensburg: “Ek geniet my e-boeke en vir ontspanning is e-boeke ideaal want wanneer jy met vakansie gaan hoef jy nie 'n klomp boeke saam te karring nie - net een klein e-reader. Vir studente sal dit nooit werk nie want mens blaai altyd terug vir kruisverwysings en dit is moeilik om dit met die e-boek te doen. In 'n boek merk die student die belangrike dele wat waarskynlik in kruisverwysings gebruik gaan word en dit kan nie gedoen word met die e-boek nie en kan elke keer 'n vreeslike gesoek en mors van studietyd meebring.”
Karen de Beer: “Dit is 'n goeie plan om e-boeke te gebruik...so spaar ons die BOME wat afgesaag word om boeke te maak. Ek ontvang tegnologie met ope arms.”
Diane Els: “Daar is niks so mooi soos 'n lekker boek nie en boonop kan nie almal e-boeke bekostig nie.”
Marcia Engelbrecht: “Nee ek dink die voortbestaan van boeke is nie in die gedrang nie! Ek verkies my boek bo 'n e-boek!”
Tronell Prinsloo: “My e-boeke het baie minder stof en my huis baie meer plek. Maar - dit stop by fiksie. 'n Boek met volkleur fotos kan maar enige tyd weer 'n plek vind na my huis en oorvol boekrakke.”
Natasja Pretorius Lubbe: “Ek twyfel baie sterk! Maar ek dink dit is 'n goeie idee om 'n hardeband boek ook in 'n e-boek vorm oor te skryf en dit dan so te adverteer en te verkoop. Dit is 'n ekstra inkomste vir die skrywer, en dit skep werksgeleenthede.”
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.