Kinders is nie proefkonyne
deur Anoniem
2010-07-29 13:43
Hoekom hanteer die regering ons kinders asof hulle proefkonyne is?
Dis skokkend om te hoor dat daar bevind is dat die nuwe kurrikulum vir gr.0 tot gr.3 van so 'n swak gehalte is. Dis vanselfsprekend dat 'n kind se eerste drie of vier jaar in die skool 'n baie belangrike rol gaan speel in sy sukses later in die lewe, en om kinders so vroeg al deurmekaar te maak met veranderinge in die kurrikulum is net dommigheid.
Geen kind kan 'n stabiele skoollewe begin wanneer die kurrikulum die heeltyd verander, en hy van bakboord na stuurboord gestuur word nie.
En dan praat ek nie eers van uitkoms gebaseerde onderrig nie. Dit het 'n hele generasie kinders se skoolopleiding verongeluk, en daar is baie van hulle wat vandag sukkel om werk te kry juis omdat hulle skoollewe hulle nie kon voorberei op die wêreld daar buite nie.
Al hierdie alewige veranderinge in die kurrikulum, en nuwe idees wat op die einde niks beteken nie en net chaos veroorsaak, gaan ons kinders nog hulle toekoms kos.
Wanneer gaan die onderwysedepartement besef ons kinders se toekoms is in hulle hande, en dat hulle nie sommer net so daarmee kan speel nie?
Seker eers wanneer dit te laat is...
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.