Volgens dailymail.com kos J K Rowling se nuwe boek vir grootmense £9 (ongeveer R125) by Amazon, die boek is afgeprys van £11 (ongeveer R153) af. Die e-boek weergawe word by die selfde webwinkel aangebied teen £11.99 (ongeveer R166).
eBoeke verteenwoordig ongeveer 15% van die boekmark in die Verenigde Koninkryk (VK). Die grootte van die totale boekmark bedrae £26 miljoen vanjaar. Amazon verkoop tot 80% van alle e-boeke wat in die VK verkoop word. Volgens dailymail.com erken uitgewers dat hulle meer as 5% spaar as ‘n titel as ‘n e-boek uitgegee word alhoewel BTW op e-boeke hoër is.
Tom Tivnan van die uitgewer konsultante: The Bookseller, reken ‘n e-boek behoort tussen £2 - £3 (tussen R27 - R41) goedkoper te wees as die gedrukte weergawe. Benedict Evans van die navorsing agentskap Enders Analysis het aan dailymail.com genoem dat e-boeke nie noodwendig goedkoper hoef te wees as harde kopieë nie.
Hy is van mening dat die kostestrukture van uitgewers in ‘n groot mate ‘n gegewe is. Die koste om ‘n boek as ‘n finale produk op die mark te kry verskil nie veel as die titel as ‘n e-boek verskyn nie.
Vroeër die maand het die Europese Unie ook bevind dat Apple en vier ander uitgewers EU kompetisie voorskrifte verbreek het, deur die prys van e-boeke regoor die mark te verhoog. e-Boeke is ook kontroversieel in die Verenigde State, waar die Justisie Departement bevind het dat prysvasstelling deur agentskapooreenkomste veroorsaak het dat lesers miljoene dollars teveel vir e-boeke betaal het.
Hoe vergelyk Afrikaanse e-boeke pryse met slapbandboek pryse?
Die meeste van myAfrikaans.com se e-boeke is tot 30% goedkoper as die slapband weergawe. Byvoorbeeld: Hiervandaan deur Dana Snyman: 175.00 (slapband) en R125,43 (e-boek).
Hierdie is uittreksel uit Andé se jongste blog. Lees meer hier.
GESELS SAAM: Koop jy graag e-boeke? Dink jy Afrikaanse e-boeke is te duur? Laai jou mening hier.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
