Ek sou graag vir Christa Steyn persoonlik wou ontmoet en tog voel dit of ek waarlik het.
Ek het onlangs, by “Die Blou Hond” , die voorreg gehad om “Jannie” van Jannie en die Tannie (Christa ) te ontmoet. Uit pure nuuskierigheid, omdat ek weet die twee het ’n lang pad saamgestap, het ek hom gevra hoe dit met haar gaan.
Hy was duidelik aangedaan en wou nie daaroor praat nie.
Jannie, as jy dalk hierdie lees: sterkte maat. Ek het die vooreg gehad om julle DVD te kyk en ek kon duidelik sien daar was ’n besonderse band tussen julle. Iets wat my heimlik jaloers maak.
In die spesifieke DVD sing jy redelik baie van “liefde” wat soms so kompleks, soms uitmergelend ander kere wanhopig deurmekaar, kan wees.
My innige meegevoel aan haar geliefdes. Ek het haar opgesom as ’n ongelooflik talentvolle mens wat sekerlik diep spore getrap het en baie mense se lewens geraak het.
Aan jou Jannie, jammer, staan vas. Miskien sal ’n draai op Leeuwspruit help.
Sterkte.
Nog Boodskappe van medelye...
Hartseer bewonderaar: “Met groot hartseer moet ons nou afskeid neem van ‘n geliefde kunstenaar, moeilik om te aanvaar! Aan al Christa se geliefdes, vriende & familie mag julle getroos en gedra word in hierdie hartseer tyd. Mag julle die nodige krag, leiding en liefde ontvang! Onthou haar soos sy was en ook die goeie.”
Anoniem: “So jammer dat so ‘n mooie mens ons so vroeg moes verlaat. Jy het soos ‘n geel madeliefie vir ons hier geblom tussen dorings en gras. Nou blom jy sonder pyn, getroos teen Sy bors. Jy het in jou lewe vir ons Sy lig gereflekteer, dankie daarvoor, liewe mens.”
Louise: “’n Vrou met soveel talent! My innige simpatie aan haar familie en ook haar musiek vriende na aan haar. Sy was so ’n mooi voorbeeld vir baie van ons. Mag sy nou in vrede rus by ons hemelse Vader.”
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
