GESELS SAAM: Belastingtyd
deur Yvonne Snyman
2010-09-01 12:32
Ek het van SARS af verneem dat my bankbesonderhede kwansuis verkeerd is (wat ek nie kan glo nie, ek gebruik die rekening al sedert 1974).
Ek het die moeite gedoen om af te vat by my werk en bankstate en 'n afskrif van my ID te laat sertifiseer by die polisiestasie. Op die 9 Julie 2010 het ek die dokumente by SARS Boksburg gaan aflewer waar hulle dit in die komper ingesit en die dokument vir vir my gestempel het.
Ek het al seker sewe keer gebel om te hoor wanneer ek die terugbetaling sal kry. Elke keer word gesê die dokumente is ontvang maar dat dit 21 dae neem om geregistreer te word by hulle.
Dit is nou al 1 September en weereens is vir my gesê dat die dokumente ontvang is, maar verder kan hulle my nie help nie. Ek is aangesê om na die kantore te gaan en daar te gaan vra wat aangaan; ek weet nie hoe dit my gaan help nie want ek het my deel gedoen.
SARS trek rente op die geld. Het ek SARS die geld geskuld was dit al lankal van my bankrekening verhaal! Dit is uiters frustrerend om elke keer dieselfde antwoord te kry en jy word net nie gehelp nie.
Ek voel dat dit kos my oproepe en tyd wat vermy kan wees as SARS net hulle deel wil doen.
Daar is ook geen ander plek waar jy hulp kan vra nie want daar word vir jou gesê hulle is net die hulpsentrum. Ek voel dat SARS regtig 'n sentrum moet kry waar daar na klagtes omgesien kan word en waar dit opgelos kan word.
Ek is jammer om te sê maar SARS is absoluut nutteloos en van geen waarde nie aangesien daar geen diens is nie.
Ook voel ek die geld kom my toe, het ek SARS geskuld was ek seker al met regskostes en alles gedreig!
Hoe behandel SARS jou hierdie jaar? Verloop jou sake vlot, of voel jy gefrustreerd? Gesels saam in die kommentaar-ruimte hieronder.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.