‘n Jagluiperdwyfie en drie ander is besig om verwoesting te saai onder ‘n boer se kudde.
Daar blyk ook nie ‘n maklike antwoord te wees vir die verliese wat reeds gelei is nie. Hulp en/of leiding van die lokale natuurbewaring ontbreek geheel en al. Daar word nie eens moeite gedoen om terugvoer te gee aan die boer nie.
Die jagluiperde het reeds ten minste ses speenkalwers gevang. Dit is alreeds meer as 50% van ‘n bejaarde vrou se boerdery inkomste vir die jaar.
Weens die hoogs bedreigde status van die diere word daar vir hulp gevra om die probleem diere uit die gebied te verwyder. Die slagting onder die vee kan egter nie onverpoos voortgaan nie. Dit is dus redelik dringend dat daar baie vinnig gereageer word om ‘n oplossing te vind.
Die sukses waarmee die jagluiperds jag, kan daar nog groter skade verwag word. Uiterste optrede mag dalk dan aan die orde van die dag wees en die diere mag van kant gemaak word.
Die hele gemeenskap sit op hete kole en wag dat die diere onder hulle kudde begin vang. Dit is ‘n kruitvat wat wag om vonk te kry.
My moeder kan die situasie nog beheer solank die diere op die plaas bly, maar daar is geen waarborge oor wat die diere mag oorkom indien hulle elders begin jag nie.
’n 73-jarige vrou is geheel-en-al aangewese op die inkomste van haar beesboerdery om ‘n bestaan te voer. Die verliese word dus erg gevoel aangesien daar geen ander bron van inkomste is nie.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
