Die skietery en dood van leerders en opvoeders in Newtown, word as "skokkend, afgryslik en boos" beskryf. Met reg ook.
As ons egter hier in Suid-Afrika lees, hoor en sien van gevalle waar leerders en/of opvoeders vermoor of aangeval word, skyn dit asof dit ook maar net "nog 'n geval van moord of 'n aanval op leerder /opvoeder" is.
Dit word byna as iets "alledaags" beskou, soos iets wat deelgeword het van ons bestaan. 'n Perfekte "teelaarde" vir 'n geval soos die by Newtown en die Columbine-skietery is geskep in Suid-Afrika.
Die onderwys is in sy kanon, amptenare wat hul skuldig maak aan korrupsie en of omkopery, voorgestelde langer skool-ure vir leerders, 'n onderwysstelsel wat te ver kort skiet, boelies, bendes en dwelmmisbruik in skoolgemeenskappe skep die ideale omgewing vir nog gevalle of soortgelyke gevalle soos die in die Newtown en Columbine-skietery
Met die onderwysdepartement se geploeter om dinge op dreef te probeer kry, sal hulle die tyd, mannekrag en of insig het om pro-aktief te wees om gevalle soos hierbo en ook gevalle waar een of twee slagoffers betrokke mag wees, die hoof te kan bied en of vooraf veiligheidsmaatreëls in plek te stel?
Net die tyd sal ons leer en mag die owerhede nie te laat wakker skrik nie!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
