Indien julle dit nie weet nie, kinders is nie van glas gemaak nie. Dis is seker ‘n vreemde opsomming, maar kom laat ek verduidelik.
Enige mens word gebore met ‘n immuunstelsel. Dit beteken dat ons liggame sekere kieme moet kry, sodat ons liggame dit volgende keer kan keer, of beter maak.
Net so moet kinders val en seer kry. Wanneer kinders nie seer kry nie, weet hulle nie hoe om pyn werklik te kan hanteer nie.
Ekself het al baie kere seer gekry. Dit het my nie gebreek nie. Ek is al gebrand, gesteek met ‘n mes, deur honde gebyt, en natuurlik lekker hard geval partykeer. Dit is deel van mens wees. Dit is deel van groot word.
Nou, om uiteindelik by my punt uit te kom. Nie so lank gelede het ek ‘n ysskaatsles (waaraan my dogter deelneem) bygewoon. Almal het lekker gespeel.
Hier en daar het daar iemand geval en weer opgestaan. Kyk, ‘n hokkieskyf op spoed kan seer maak, maar dis deel van die sport; net soos in rugby wanneer iemand jou hard tackle. Dis deel van die sport.
Nou, dit help nie jy wil die arme afrigter aanrand wanneer jou seuntjie nie die “punch” kan vat nie. Dis presies wat gebeur het. Die outjie het geval, opgestaan en voort geskaats. Die oefening het aangegaan en almal was gelukkig in yskaatsland.
Die les het klaar gemaak, stiptelik agt-uur. Ek het my dogter gehelp haar skaatse uit kry en al haar bagasie begin opruim toe ek ‘n vreeslike gevloekery begin hoor het. Daar was ‘n man, ek skat hom seker in sy 40's.
Die vloekery het ‘n bakleiery begin word en ek het begin wonder of ek nie die hokkiestok in my hand moet begin gebruik nie...
My dogter het my weggesleep en ons het huiswaarts gekeer.
By die huis ontvang ek ‘n foonoproep van die yshokkie-afrigter. Hy het my gevra wat ek gesien en gehoor het en vir my verduidelik dat die man wat hom kom aanrand het, die outjie wat geval het, se pa was. Hy was glo omgekrap oor hoe onveilig die plek is.
Nou ja, dit was nogal verstommend, want yshokkie is ‘n ding waar jy wel gaan seer kry. So
what?
Hoekom nou jou kinders oppiep? Moet hulle dan nie leer om seer te kry nie, of is my redenasie verkeerd? Indien wel, help my tog reg asseblief!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
