Insake: Boer soek ’n Vrou...
Die vervaardigers moet volgende keer seker maak dat die boere wat deelneem nie meer ly onder 'n 'seer hart uit 'n vorige verhouding nie.'
Wat 'n lam verskoning is dit nie, om vir 'n meisie te sê dat hy nog treur oor sy vorige meisie(s) nie, en tog so seer gekry het... En nie wil skei nie. Niemand wil nie.
Hulle kon liewer op die laaste dag gesê het dat nie een van die meisies, die vrou is wat hulle soek nie.
Hulle gebruik selfs die "As dit die Here se wil is'-verskoning. Gaan luister na Mark Grungor se praatjies oor die huwelik. Daar is nie iets soos 'n soul-mate nie en selfs in die 'beste' huwelike is daar konflik en aanpassings nodig.
Die Here kies nie vir jou 'n vrou en sê 'whap' hier is die één wat jou gelukkig gaan maak vir die res van jou lewe nie. Jy het 'n vrye wil om kies. Kies die beste een en besluit om te commit.
Lourese moet ook ophou om André te byt en te verwyt omdat sy nie sy eerste keuse was nie. Hy is duidelik die enigste een wat nie met 'n 'verlede' sit nie, en dol verlief is op haar. Hy waag en wen! Boer soek 'n Vrou is 'n lekker reeks en met die onderliggende spanning en gissings.
Dit is ook opvallend dat die meeste boere nie trou met die meisies wat deelneem nie. Tog was daar nog nooit so baie met 'gebroke' harte nie.
GESELS SAAM: Stem jy saam met die skrywer? Wat dink jy van die program Boer soek ’n Vrou? Stuur jou mening aan terugvoer@nuus24.com of laai dit hier.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
