Toe ek nog in die kas was, het ek partykeer ingegee vir die versoeking en ek het gaan soek vir ’n manier om omgang in die hande te kry, ek dink dit het te doen gehad met die rede dat ek nie in ’n verhouding kon betrokke raak nie.
Op daai stadium was ek nog in my twintigs en ’n man is nie ’n klip nie, so vir my het ek besluit net soos vele ander om na plekke soos Adult World toe te gaan en saam met ’n klomp “like minded” kêrels te kafoefel.
Ek het party keer na beter plekke toe gegaan soos bad huise, en ek was elke keer daar uit met ’n groot “smile” op my gesig.
Wat ek wel opgetel het by die plekke (gelukkig niks siektes nie), is die hoeveelheid mans wat die plekke benut getroude mans was. Ja, julle hoor reg, getroude mans!!! Met kinders! Nou ek is die laaste een om hulle te judge, maar ek het besluit om vandag hieroor vir julle te skryf, oor die eenvoudige rede dat die getroude mans wat die plekke benut jou oom en jou oupa is... Dis miskien jou pa, of selfs jou broer.
Ek vra myself waarom soveel mans in die situasie is vandag dat hulle voel hulle moet nog ’n dubbele lewe hê? Hoekom is hulle so diep in die kas dat meeste van hulle nooit daar sal kan uit kom nie? Wie het hulle so diep in die kas ingestoot?
Ek meen om so ’n dubbele lewe te hê is sekerlik nie regverdig teenoor die mans self, en ook die vrouens van die mans, wat in die donker gehou word nie, en dan self in gevaar gestel word om siektes op te tel by haar gay man wat te skaam te gaan wees om homself te laat toets.
Daar is ’n manier om die situasie heeltemal te oorkom, as jy vemoed jy is gay terwyl jy getroud is met jou vrou wat jy in gevaar stel, praat met haar oor jou gevoelens en werk die saak uit.
Dit is beter om eerlik te wees oor jou gevoelens as wat jy die res van jou lewe in die kas wegkruip en jouself en jou lewensmaat in gevaar stel.
En as jy ’n vrou is wat vermoed jou man het ’n skewe kant, praat daaroor, jy doen jouself ’n onreg aan om in so ’n verhouding te bly veral as jy nie weet nie.
Maak geen fout nie, die plekke wat ek vroeër genoem het, sou ek sê is so 60% vol van getroude mans.
Daar is verskriklik baie gay mense daar buite meeste van hulle het gelukkige verhoudings, daar is ook baie enkellopendes. Vir die mense haal ek my hoed af elke dag omdat hulle nie nodig het om verskoning te maak vir wie hulle is nie (hulle is braaf genoeg om net te wees).
Die keuse om uit die kas te lewe het vir sulke mense verlos van die hel van die kas en alles wat in ’n kas gebeur!
So as jy so ’n man is, dink mooi wat jy aan jouself en jou vrou en kinders doen en praat die ding uit die kas uit.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
