Ek verstaan nie...
Hoekom is wetgewing nodig om besighede te dwing om 'n sekere hoeveelheid swart mense in diens te neem?
1. Die wit bevolking is slegs 10% van die totale bevolking.
2. Negatiewe wetgewing (wat mense penaliseer) lei tot negatiewe reaksies en voortdurende soeke na skuiwergate om die wetgewing te vermy of te omseil.
Hoekom moet daar wetgewing ingestel word om 10% van die samelewing te reguleer? Is ons mag dan so groot, dat ons deur wetgewing gedwing moet word?
Wat van een van twee scenario's: of positiewe wetgewing waar besighede beloon word as personeel verteenwoordigend is?
Of, laat vaar heeltemal die RA wetgewing. Ek is seker dat die ekonomiese kragte binne besighede, besighede vanself sal dwing om verteenwoordigend te wees. Hoe anders sal besighede besigheid kan doen met die meerderheid? Maak dit 'n non-issue dan sal dit vanself regkom...
Ek het nog nooit 'n wit petroljoggie in my dorp teegekom nie. Dis onaanvaarbaar.
Regstellende aksie moet in albei rigtings werk. Tien persent van alle petroljoggies moet wit wees en 10% Indiër/ bruin. Dis mos nou ware regstellende aksie, dan nie? Dis mos verteenwoordigend!
In ons dorp besit 'n Indiër die grootste drukkery. Feitlik al sy personeel is Indiërs.
Dis onaanvaarbaar. Slegs 10% van sy personeel moet Indiër wees, 10% wit en 80% swart. Dis mos net reg?
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
