" 'n Enkel-kind wat al die voordele en aandag gekry het, en met die aankoms van 'n nuweling, word die stomme outjie se speelgoed, aandag en van die voordele van 'n enkel-kind verskuif na die nuweling". So kom die klomp op die Nuus24-forum voor.
Die kommentaar wat hulle op artikels lewer, is deurgaans 'n gekerm en gekla. Die posisie van 'n begunstigde is van hulle weggeneem en nou weet hulle nie hoe om dit te hanteer nie. Die enigste wyse waarop hulle uiting kan gee aan hul ontevredenheid is deur afbrekende kritiek/ kommentaar, veral teenoor die regering en "anderskleuriges", te lewer.
Die simpatie wat hulle betoon jeens tragedies, slagoffers (ook maar net vir wie hulle wil), ens. is voorspelbaar en klaaglik pateties! Sonder om te kyk wie die kommentaar gelewer het, kan jy alreeds weet wie sekere kommentaar lewer en andersom. Kleinlike en baie keer, kinderagtige repliek, kommentaar, op- en aanmerkings op artikels en ander skrywers is al manier hoe hulle probeer om hul "onsekerheid" en "minderwaardigheid" probeer verdoesel.
Hulle sien probleme raak, maar is of te onseker, bang of te lafhartig om iets daaraan te doen. Wanneer daar wel voorstelle kom vir oplossings, is hulle diegene wat eerste die voorstelle wil afskiet en swarigheid in alles en almal, behalwe hulself wil raaksien.
Hul onsekerheid maak dat hulle selfs gebruik maak van "skuilname" en dan daaronder ander mense en hul opinies en aktiwiteite aanval en kritiseer. Wat hulle nie besef nie; of dalk besef hulle dit, is dat hulle besig is om hulself en mekaar te "vergiftig" en boon-op dien hulle tipe/ soort van kommentaar geen doel nie, behalwe om hul ego's te streel en werk te skep vir diegene wat op hulle kommentaar repliek lewer!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
