Ek's bly om te lees dat skole nou ook jong rugbyspelers vir verbode middels gaan toets.
Ek is ook bly om te lees dat die meerderheid van skole nie hierteen gekant is nie.
Sekerlik tydens my hoërskool rugbydae, was daar een of twee spelers wat met steroïede eksperimenteer het. Hulle het dit natuurlik ontken, maar almal het dit geweet.
Om opkikkers of verbode middels te gebruik, gee 'n onregverdige voordeel aan die atleet wat dit gebruik en volgens my is dit nie in die gees van die spel nie. Nie net in rugby nie, maar in enige sportsoort.
Sport is veronderstel om spelers se God-gegewe talent en vaardighede teen mekaar te toets en om van steroïede en ander opkikkers gebruik te maak, is verneukery.
So ja, dis 'n goeie ding dat leerders ook nou getoets word. Diegene wat hulle aan hierdie tiepe kullery skuldig maak, hoort nie in sport nie.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
