Johan Swarts wonder in sy rubriek van 29 November waarom DA ondersteuners die party ondersteun.
In sy poging om misnoë met oningeligte politieke opinies en keuses uit te druk vaal Mnr. Swart redelik sleg daarin om hómself as geloofwaardig en ingelig oor te dra.
Laat dié DA-ondersteuner dan nou maar poog om ‘n bietjie lig op die onderwerp te bring. Daar is ‘n goeie rede waarom die DA sedert 1994 so drasties gegroei het vanaf ‘n skamele 1.7% van die nasionale stem tot die indrukwekkende vertoning van die 2011 munisipale verkiesing waarin die party so te sê daarin geslaag het om ‘n kwart van Suid-Afrikaanse stemmers se kruisie te verower.
Die groei kan ook nie nét toegeskryf word aan die tekortkominge van die ANC as regering nie, hoe baie daar dan nou ookal mag wees. En ja, dit gaan beter in die Wes-Kaap as enige ander provinsie in Suid-Afrika en dus dra die DA se belofte van beter dienslewering baie gewig.
Tog vermoed ek dat die DA se visie vir die bou van ‘n oop, geleendheid-gedrewe samelewing gegrond op die beginsels van die grondwet die boodskap is waarby ‘n groeiende aantal lansburgers aanklank vind en dus die groei van die party.
‘n Ware Suid-Afrikaanse party vir alle Suid-Afrikaners. Soos Helen Zille dit self gestel het by die opening van die DA se Federale Kongres verlede naweek: “Die DA is nie ‘n party vir rassiste nie. Dit is nie ‘n party vir seksiste, xenofobe of homofobe nie. Dit is nie ‘n party vir mense wat dink die lewe was beter onder apartheid nie. Dit is ‘n Suid-Afrikaanse party, vir al die mense, verenig in ons strewe na ‘n beter lewe vir almal”.
Die DA is teen alle verwagting besig om daarin te slaag om die sinnelose greep van rasgebaseerde politiese affiliasie in Suid-Afrika te breek. En dit ten spuite van die ANC se aanhoudende pogings om die ‘blou-golf’ te stop deur die ou betroubare raskaart te speel.
Jong leiers van alle agtergronde is besig om deur die DA se strukture na vore te kom en die gesig van die party, en die Suid-Afrikaanse politiese landskap as geheel te verander. Onder die bekwame leierskap van Lindiwe Mazibuko is die DA parlementêre koukus besig om die parlement terug te transformeer na die primêre arena van nasionale debatvoering.
DA-LP’s maak elke dag betekenisvolle bydrae tot komiteevergaderings en gebruik parlementêre prosesse tot hul beskikking om moeilike vrae aan die uitvoerende gesag te stel. Verder word daar op ‘n daaglikse basis alternatiewe beleidsvoorstelle geproduseer, elk gegrond op die DA se strategie om volhoubare 8% ekonomiese groei te bewerkstellig om armoede en werkloosheid te bestry.
Die party se webtuiste bevat ‘n rykdom inligting en Mnr. Swart sal homself ure kan besig hou met die leesstof beskikbaar daarop.
Jong Suid-Afrikaners word nie verblind deur lojaliteit teenoor die ANC as bevrydingsbeweging nie. Ons soek na ‘n party waarin ons kan glo om ‘n beter toekoms te lewer. Ons is op soek na ‘n party van hoop.
‘n Party wat ons individuele regte en die grondwet repekteer en beskerm. ‘n Diverse party wat dienste lewer aan almal en rekonsiliasie en regtelling deur die bou van geleendhede, onderwys en opleiding as top prioriteite ag.
Die DA ís die antwoord.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
