Wat gebeur as sondaars nie meer opdok?
deur Brentie
2010-02-24 14:38
So die 'sondaars' in die gemeenskap moet meer opdok vir hul plesiertjies.
Geen probleem daarmee nie. Het wel 'n probleem dat geen alternatiewe bron van belasting voorgestel word as alle rokers besluit om op te hou nie. Die tabakbedryf gaan in duie stort en duisende mense gaan werkloos wees.
As die begroting nie sonder die sondebelasting kan klop nie, is dit teenstrydig om rokers aan te moedig om op te hou want jy erken dat jy nie sonder die inkomste kan klaar kom nie.
Hierdie 'sondebelasting' val in dieselfde kategorie as spoedboetes. Munisipaliteite sweer hoog en laag dat hul nie op boetes staatmaak om hul begrotings te laat klop nie maar aan die inkomstekant van die begroting word daar mildelik voorsiening gemaak vir boetes.
Die besparings in gesondheidsdienste word dikwels voorgehou as synde gelyk te wees aan verlore belasting as almal ophou rook. Ek is egter van mening dat sodanige besparing vinnig deur die toenemende vigsepandemie uitgewis sal word.
Dit sou 'n beter begroting gewees het as daar alternatiewe voorstelle was om die moontlike verlies aan inkomste te oorbrug.
Dit mag selfs lei tot vindingryke oplossings en werksgeleenthede.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.