Hierdie jaar (2012) is op sy rug en as 'n mens die jaar in terugskouing neem, lyk dit bykans ongelooflik dat jy deur die jaar gekom het, sonder enige fisiese letsels.
Emosionele en geestelike letsels en wonde sal daar bykans oral te bespeur wees!
Ons "hooggeagte" president het deur die jaar by bykans elke geleentheid die hoofberigte gehaal; meestal in kontroversiele aangeleenthede en in hoe 'n mate dit die gemeenskap geraak het, sal net die toekoms ons leer: die omstrede skildery van hom, die Nkandla-debakel, sy "assossiasie met Shabir Shaik, sy veelbesproke "veelwywery", sy uitlatings oor "stort met 'n HIV-positiewe persoon" en nou die uitlatings oor troeteldier-honde!
Elke keer is dit asof hy "met die voet in die mond sit" met sy uitlatings en optredes en iemand moet in die bresse tree vir hom om sy uitlatings en optredes te verduidelik: sy woordvoerder, die hoofsweep van die Parlement, sy regsgeleerdes in sy talle hofsake, ens.
Hierdie mense wat elke keer intree vir hom, word dan gesien as van die opperste leuenaars by elke geval waar hulle 'n verduideliking/"verskoning" vir die "agbare" president aan die publiek moet voorle!
Weereens het hy vorendag gekom met sy "morele waardes van S.A."-toespraak; nogeens moet iemand verduidelik wat hy probeer se het! Erger as 'n vertaler by 'n VN-konvensie!! Waarom is dit vir die president so moeilik om hom uit te druk in woorde wat die land verstaan of word daar aangeneem dat die mense hom nie kan/wil/sal verstaan nie?
Indien hy dit nou moeilik vind om die land se mense te laat verstaan wat sy sienings/menigs is, dink net watter deurmekaarspul in die vervolg vir ons wag, waar iemand by elke toespraak/uitspraak aan mense moet kom verduidelik wat hy eintlik bedoel? Waarom is dit dat slegs sy amptenary/regeringslui en aanhangers weet wat hy by mense wil tuisbring?
Onderskat hy die integriteit en intellegensie van die "gewone Suid-Afrikaner" opsetlik of dink hy dat hulle benede sy denkwyse is?
Ons sien/hoor nerens dat hy enige melding maak van verbeterings aan die vier pilare waarop enige land rus nie, nl. Onderwys/Opvoeding, Gesondheid, Maatskaplike Werk en Veiligheid/Sekuriteit nie!
Die grootste deel van die jaar, indien nie die hele jaar nie, was daar deurentyd pogings om "vure" wat deur hom aangesteek en begin was, dood te slaan! Alles het gegaan om sy persoonlike beeld by die publiek reg te timmer en hom so vroom as moontlik te hou!
Daarom dat die uitlating dat Suid-Afrikaners hul "morele standaarde" moet opknap, soveel kritiek uitlok; hy wil graag onbevlek voorkom, maar die ongerymdhede wat met hom ge-assossieer word, maak dit 'n bitter pil vir Suid-Afrikaners, behalwe sy aanhangers, om te sluk!!
Bitter min positiewe dinge het uit 2012 vorendag gekom; is 2013 'n jaar om na vooruit te sien/kyk vir positiewe verwikkelinge?
Miskien, as mnr. Zuma, die land eerste, en sy persoonlike belange laaste, stel! Dalk, miskien, moontlik is daar dan iets positiefs om na uit te sien!!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
