'Verdra tog ons rokers'
deur Elrita
2010-08-19 13:34
Ek skryf oor JP se siening oor rook, in die brief Moenie naby kinders rook.
Wat my altyd pla van mense soos hierdie is dat hulle hulle sienings op almal om hulle wil afdwing. Of jy rook of nie rook nie is jou eie saak, en dis nie vir iemand anders om jou voor te sê nie.
Dis al genoeg dat 'n mens nêrens anders kan rook nie. As ek dan in die privaatheid van my eie huis wil rook, is dit my saak, niemand anders s'n nie.
Dis hierdie onverdraagsaamheid wat nog eendag 'n einde aan ons wêreld gaan bring, en ek praat nie net oor rook nie. Sodra iemand 'n bietjie anders as ons is of dinge 'n bietjie anders as ons doen probeer ons hulle verander en maak soos ons. En as hulle nie doen wat ons sê nie probeer ons die lewe vir hulle so moeilik as moontlik maak. Dit klink soos 'n klomp kinders by 'n kleuterskool.
As iemand anders voel oor die lewe as jy, en ander goed doen, laat hom sy ding doen. Hy doen jou niks skade aan nie.
As ek rook in my huis, wat het dit met jou te doen? Hoekom is ons so bang vir mense wat anders is as ons?
Dis die jaar 2010. Wanneer gaan ons eendag leer om verdraagsaam te wees met mekaar se gewoontes en gevoelens?
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.