Ek sit aand na aand vasgenaal voor die kassie en kyk hoe ons Paralimpiese atlete Suid-Afrika se naam hoog hou.
Ek het meer hoendervleis en trane in my oë en voel meer nederig as ooit. Daai mense het geen skaamte vir hulle gebrekke nie. Hulle is inderwaarheid trots om die gebrek te hê wat hulle het.
Hulle gaan daardie ekstra myl om te bewys dat ‘n gebrek nie van jou minder maak as iemand sonder ‘n gebrek nie.
Van daardie atlete laat my my kop in skaamte sak. Hoeveel keer kla ons nie oor die feit dat ek kort, rond, onfiks, lelike hande, lelike voete, te groot boude, te dit of te dat het nie.
Daardie atlete ‘pronk’ wanneer hulle name genoem word, wanneer hulle regmaak om deel te neem aan hulle item. Hulle gebrek is op daardie oomblik vir hulle niks meer as wat geen gebrek vir ons is nie.
Of hulle wen of verloor – hulle is almal wenner bloot vir die feit dat hulle die opoffering gemaak het om, ten spyte van hulle gebrek, hulle stempel te gaan afdruk by die Paralimpiese Spele!
Daar is so min mense wat die prestasies van die Paralimpiese atlete in ag neem. So min mense wat comments maak op Facebook oor die medaljes wat gewen word – so min mense wat die hoendervleis-oomblikke beleef as met die Olimpiese Spele paar weke gelede.
Dit is hartseer – bitterlik baie hartseer. Daai atlete verdien in teendeel meer as die gewone atlete. Nie net in geldwaarde nie, maar in alles.
Manne en vroue in Londen, Paralimpiese Spele 2012: Julle is ’n fantastiese inspirasie en ek is trots om te sê ek is ’n Suid-Afrikaner!
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
