Tog so strydlustig
deur Anoniem
2010-03-05 07:40
Met verwysing na die berig Minister dreig wittes:
Ek was nogal verbaas oor die manier waarop Afrikaners reageer het op hierdie berig oor mense wat hulle belastinggeld weerhou as gevolg van swak dienslewering.
Dit was baie opvallend om te sien hoe vinnig Afrikaners op hulle perdjie is en sommer gereed is om oorlog te maak.
Dit was tog duidelik dat die minister die woord "oorlog" metafories gebruik het – hy sê dan in die volgende sin dat hy mense gaan hof toe sleep. So hoekom wil al wat 'n boer is nou skielik gryp na sy haelgeweer? Is ons regtig so gretig om die wapens op te neem?
Wanneer jy jou belastinggeld weerhou, ongeag die vlak van dienslewering, is jy besig om die wet te oortree en stel jy jouself oop vir hofsake en ander onaangename gevolge. As iemand jou dan daaroor aanvat moet jy bereid wees om die gevolge te dra en in die hof te gaan stry vir jou saak.
Hou die mense wat nou skielik wil oorlog maak hulle net dom, of soek hulle redes om te veg? As jy jou geld wil weerhou, moet jy nie oorreageer wanneer iemand jou daaroor wil aanvat nie.
Ek ontken nie dat daar probleme is met dienslewering nie. Ons almal weet dis 'n realiteit en ons almal is frustreerd daaroor. Ek sê net daar is geen rede om die bobbejaan agter die berg te gaan haal deur te wil burgeroorlog voer oor 'n munisipale rekening nie.
Party Afrikaners moet net grootword.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.