Die interskole kragmetings die afgelope paar weke het my gedwing tot die vraag, wat is die doel van interskole?
My verstaan van hierdie jaarlikse gebeurtenis van skole is om sport in skole te bevorder, of hierdie egter nog gebeur is een groot vraag. Skolesport, en in besonder interskole kragmetings, het in ‘n verryking van die skool ekonomie geword (wat ook belangrik is) en nie die ontwikkeling van sport.
Ek kon nie help om onlangs te lees hoe ‘n oudstudent galbraak oor skoolleerders wat rook, drink, vloek en seuns met oorbelle rondloop nie. Dit het my geruk om te vra.
1. Hoekom die ophef oor hierdie dinge by ‘n skoolbyeenkoms (wat verander het in ‘n gemeenskapbyeenkoms) as dit daagliks in ons gemeenskappe gebeur en ons daaroor niks sê of doen nie?
2. Hoekom nie die leerders aanspreek nie, as iemand ouer is dit jou gemeenskaplik plig om dit wat verkeerd is in jou gemeenskap is aan te spreek?
3. My derde vraag is egter die belangrikste, watter bewyse het die oudstudent dat dit wel leerders van die betrokke skool is wat hierdie dinge gedoen het en nie ander elemente uit die gemeenskap wat maar die skool se klere aangetrek het nie.
Wyl ek ‘n ondersteuner daarvan is dat interskole op ‘n Saterdag aangebied word omdat dit diegene wie werk (veral ouers) geleentheid gee om hul kinders te ondersteun, begin my ondersteuning al na die teenoorgestelde neig.
Ek moet myself afvra, lok die gebeurtenis op ‘n Saterdag nie net meer note en munte na die skool se koffers nie maar ook ongewenste elemente wat ‘n veiligheid en sekuriteitsrisiko raak. Binne die stadions kan die skole nog beskerming reël, maar die einste kinders en ander ondersteuners vaar die paaie alleen in huistoe, met die risiko om aangeval te word.
Saam met bogenoemde is dit ook die respek en dissipline van leerders wat met die jare verdwyn. Leerders is nie meer trots en ambassadeurs vir hul skole nie, dit is liefs ‘n geval van watter skool se leerders kan die ongeskikste wees. Baie van die leerders het ook min of geen dissipline en skroom nie om jou ‘n vuil woord of drie te gee as jy hulle teregwys. Net omdat van die sportkodes kontaksport is beteken nie respek moet saam met die skooldas waai nie.
In die aanloop tot die interskole-kragmeting en ook ‘n paar dae daarna is onderrig ook nie juis hoog op van die leerders se prioriteitslys nie, maar dan is dit die einste leerders (in sekere gevalle) wat jou sal sê daar is nie werk vir jongmense. Ek verskil hewig met hierdie leerders en glo in die gesegde as jy hard werk sal jy die vrugte pluk.
‘n Wen is ‘n wen en verloor is swaar, maar as dit jou trots is, is jy patrioties en kan jy nog wen met respek en dissipline.
Het dit nie maar tyd geword dat daar teruggekeer word na die swartbord en besin word oor wat die doel is van interskole en om trotse ambassadeurs van ons skole te word nie?
Sê jou sê: Dink jy interskole-byeenkomste het in ’n geldmaak-storie ontaard? Stuur jou mening na terugvoer@nuus24.com.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
