‘Terroriste kan Spele teiken’
deur Anoniem
2012-01-10 07:40
Ek dink die Olimpiese Spele in 2012 hou een van die grootste sekuriteitsuitdagings ooit in.
Dit is 'n baie sigbare teiken vir terroriste om op toe te slaan, en vind plaas in 'n tyd waar hierdie soort aanvalle juis baie voorkom.
In 'n tyd waar Amerikaanse en Britse belange oral in die wêreld in gevaar is, is die Spele in 2012 vir terroriste 'n ongelooflike geleentheid. Nie net is dit hoogs sigbaar nie – met honderde miljoene kykers oor die wêreld wat dit sal volg – maar dis ook in Londen, tradisioneel 'n teiken vir terroriste wat hul saak wil stel.
'n Mens wil nie spoke opjaag nie, maar jy kan nie anders nie as om te besef hoe graag terroriste so 'n byeenkoms sou wou teiken. Veral in hierdie tyd waar dit lyk asof daar om elke hoek en draai 'n terroriste-sel wegkruip, is die risiko hoër as ooit.
Boonop gee 'n byeenkoms soos die Olimpiese Spele terroriste kans om hulle planne lank voor die tyd gereed te kry.
Ek weet sekuriteit sal baie streng wees, en ek hoop van harte Britse sekuriteitsmagte doen hulle werk uitstekend, maar 'n mens is tog bekommerd oor die moontlikheid dat een of ander groep, iewers, dit regkry om deur die net te kom.
Mag dit nie die geval wees nie.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.