Ek is ‘n 16-jaarige seun, en is tans in die koshuis by Hoër Jongenskool Paarl.
Ons boer op ons plaas net buitekant Darling, waar ons wyn maak.
Verlede week toe ek die nuus sien, en sien wat in De Doorns aangaan was dit al klaar vir my ‘n groot skok! Ek het vriende wat saam met my in die koshuis is, wat van De Doorns af kom. Die angs en vrees wat hulle beleef was tasbaar.
Nooit sou ek gedink het dat die stakings verder sou uitkring nie. Hulle is al klaar besig om die Swartland in te val, net ‘n kwessie van tyd voor Darling volgende is.
Die hele storie wek soveel angs in my op. Ek is tans besig om eksamen te skryf, maar dis vir my bitter moeilik om te leer. As ek weet ons plaas en my gesin is dalk in gevaar.
Wat gaan met ons plaas gebeur? Die veiligheid van my ouers?
Die stakers skiet hulle self eintlik net in die voet, soos hulle staak verloor hulle elkgeval al die geld wat hulle kon verdien het as hulle gewerk het.
Deur wat hulle doen, maak hulle nie net fisiese skade nie, maar ook emosioneel.
Hulle maak meer skade is wat hulle dink.
Ek sit in die Paarl en weet nie wat aangaan by die huis nie. Dit maak als net baie erger!
Iemand moet ingryp! Voor dit total en al hand uit ruk!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
