Stakers het dalk rede
deur Daan
2010-08-23 07:24
Ek het vandag weer met een van die stakers gesels en moet erken hulle het dalk rede om te staak.
So teen ek teen stakery is, so het ek ook simpatie met hulle redenasies.
Die mense kom uit 'n verlede met hoë verwagtings wat nou na 1994 nie heeltemal gebeur het wat hulle verwag net nie, en hulle argumente is as volg:
As die politieke leiers so baie geld kry met voertuie en huise, wil hulle dit ook hê, want dit is te danke aan hulle (die stakers) dat hulle nou daar sit, maar nou dat hulle daar is word hulle vergeet.
Geld behoort nie 'n probleem te wees nie, die land kry baie geld uit die buiteland en daar moet baie geld wees as mens in ag neem hoeveel op die sokker spandeer is en hoeveel sekere leiers gespandeer het op bv. kaartjies.
Dieselfde verhogings wat politieke leiers en bestuurslede gekry het, moet die arbeiders ook kry; dit is tog die werkers wat die werk vir die bestuurders en politieke leiers doen.
Wanneer jy met hulle redeneer kom nog meer intersante feite na vore. Op 'n vraag hoekom stem hulle die regering nie uit nie en vervang dit met 'n ander party, was een se antwoord gewees: "Ek het besluit om nie meer te gaan stem nie, want ons sal hulle nie uitkry nie. Met elke vekiesing kry die mense geskenke wat veroorsaak dat hulle aan bewind sal bly. Ek wens ons kon die NP terugkry, want hulle het vir ons almal gesorg, maar nou sit ons met baie werkloses wat sal gaan stem net vir die geskenke, dan kry hulle darem iets."
Op 'n ander vraag of hulle bewus is waar kom hulle salarisgeld vandaan, was die antwoord dat daar baie geld is, want die leiers kan lekker daarmee mors. Ek verduidelik toe dat die geld belastinggeld is wat ons almal betaal was die antwoord ook reg dat hulle nie veel daarvoor voel nie aangesien dit weereens gaan oor die onregverdige verhogings wat die leiers kry teenoor wat die werkers kry.
Wat my begin bekommer is dat volgens die vrou vanoggend is dat hulle gaan staak todat aan hulle eise toegegee gaan word en tot die leiers begin om minder geld te mors. Die salariseis gaan dus nie so seker oor meer geld nie, maar oor die manier hoe daar met geld en salarisse gewerk word.
Dié mense is nie meer oningelig nie en dit is seker hoekom die mediawet nou weer bespreek word, om die soort inligting van die kiesers weg te hou, want hulle het die storie van my seker ook al lankal gehoor.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.