So dit wil voorkom asof Sebastian Vettel nog net een jaar vir die Red Bull Racing-span jaag voordat hy sy kampie by Ferrari gaan opsit.
Dis natuurlik in die stadium alles bespiegelings, maar sal dit 'n goeie skuif wees indien dit wel waar is?
Die kort antwoord is dat dit te vroeg is om te voorspel. Nes Lewis Hamilton se skuif na Mercedes, kan 'n mens nie 'n mening gee wat slegs op vanjaar se vertoning gebaseer is nie.
Dis waar dat Ferrari nie tans die beste kar in die kampioenskap het nie, en op die oog af lyk dit asof dit 'n slegte besluit sal wees om te skuif.
Maar met die regulasies wat elke jaar verander en met Ferrari se eindelose begroting, is dit baie moontlik dat hulle in 2014 'n kar sal hê wat Michael Schumacher na talle wêreldkampioenskappe gelei het.
So ja, dit lyk asof 'n skuif van Red Bull na Ferrari waansinnig sal wees, maar dit kan terselfdertyd 'n meesterstrook wees.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
