SARU sit met tameletjie op hande
deur Morgan
2012-02-17 15:15
Die Suid-Afrikaanse Rugbyunie sit tans met 'n taai tameletjie op hande.
Die Southern of OP Kings (wat ookal jy hulle wil noem) is tans die groot besprekingspunt in rugbygeledere. Soos dinge nou staan, gaan die Kings een van die gevestigde Suid-Afrikaanse spanne volgende jaar in die SuperRugby-toernooi vervang. Dit wil sê as een van die Stormers, Bulls, Cheetahs, Lions of Sharks die swakste in die Suid-Afrikaanse groep vaar, sal hulle nie in die 2013-toernooi meeding nie. Dit beteken minder geld, minder blootstelling en 'n paar duisend briesende ondersteuners!
Persoonlik, glo ek nie die Kings is SuperRugby gehalte nie.
Behalwe vir Luke Watson, het die Kings nie spelers wat by spanne soos die Crusaders en die Waratahs kan kers vashou nie. Hulle sukkel selfs om die plaaslike spanne te klop. Nou, dis waar dat die Lions vir die afgelope paar seisoene vrot was en dis waar dat die Bulls ook op 'n tyd 11 uit 12 SuperRugby-wedstryde verloor het, maar my punt is, dis nie reg om as't ware, kos uit 'n span se mond te vat net oor 'n belofte wat nie behoorlik deurdink is nie.
Ek ondersteun die feit dat SARU beoog om rugby in die Oos-Kaap te bevorder, maar om dit ten koste van 'n beter, gevestigde span te doen is waansin. Suid-Afrikaanse Rugby word reeds op neergekyk deur hul boeties in Nieu-Seeland en Australië, en om die Kings by die SuperRugby-toernooi in te sluit, sal dié beeld net vererger.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.