Ek lees die week met groot teleurstelling oor die jongste verwikkelinge by 1Time-lugredery en die toestand van hul vliegtuie.
Twee van die maatskappy se vliegtuie het vroeër die maand enjin-probleme ervaar en moes as gevolg daarvan gegrond word. Daar is intussen bevind dat die maatskappy met verouderde vliegtuie klaarkom en dat hy heel moontlik werkers sal moet afdank.
Ek vlieg gereeld en maak dikwels gebruik van 1Time se dienste omdat hulle redelik goedkoop is. Mango en Kulula is die ander goedkoop-lugdienste (alhoewel Kulula al hoe meer word), maar na sekere bestemings in Suid-Afrika is 1Time die enigste goedkoop opsie.
Wanneer ek na Oos-Londen vlieg, is my enigste opsies SAL en 1Time en omdat geld nie meer so maklik is om te bekom nie, gebruik ek dikwels 1Time, maar na die jongste verwikkelinge sal ek twee keer dink voordat ek weer met hulle vlieg.
Dis beslis ‘n probleem in die laekoste-lugdiensbedryf omdat Mango nou basies voorkeur sal geniet.
En met die mislukking van Velvet Sky en Santaco Airlines, is dit nou miskien die geleentheid vir ‘n nuwe laekoste-lugredery om sy deure oop te maak om weer gesonde kompetisie (en laer pryse) te stook.
Ek hoop net indien so lugredery wel op die been kom, dat dit nie die passasiers se veiligheid in gevaar sal stel net om goedkoper kaartjies te verkoop nie.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
