Regstelaksie bring stagnasie, verval
deur Izak
2012-02-21 07:48
Sedert lewe ontstaan het, was daar kompetisie tussen individue en tussen spesies om dieselfde hulpbronne.
Die wat die kwaliteite besit het om te oorleef, het weer hierdie eienskappe oorgedra aan hul nasate.
Die proses van natuurlike seleksie en oorlewing van die sterkes het nie alleen die voortbestaan van suksesvolle individue en spesies verseker nie, maar het ook ontwikkeling en verbetering meegebring.
By die Homonide was (ons) Homo Sapiens die suksesvolste en daarom bestaan die menseras steeds.
Van ons oerfamilie is daar net fossiele oor.
Vandag in ons gereguleerde samelewing gaan kompetisie steeds voort en stimuleer mense om groot prestasies te lewer.
Die suksesvolste samelewings is die waar die regerings gunstige omstandighede skep vir individue om te presteer.
Ons regering is ongelukkig berug daarvoor dat hy struikelblokke soos drakoniese arbeidswette in produsente se pad plaas wat werkverskaffing en vooruitgang strem.
Hy verhinder ook regverdige kompetisie deur regstellende maatreëls waar meriete geïgnoreer word en aanstellings op grond van kleur of politieke affiliasie gedoen word.
So word van die briljanste mense uitgeskakel en die begunstigdes ervaar nie druk nie. Die gevolg is stagnasie en verval.
Meriete-aanstellings en dus kompetisie moet terugkom of ons gaan 'n mislukte staat word.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.