Heyneke Meyer het my geweldig beïndruk tydens die Wêreldbekertoernooi verlede jaar met sy indiepte analise en kennis van die spel op 'n televisieprogram waar die voorste afrigters rugbykommentaar gelewer het oor die wêreldbeker wedstryde.
'n Paar keer het hy my verloor met sy verstommende strategiese en analitiese denke rakende die moderne spel van rugby.
Hy het my nou heeltemal verloor met sy Springbokgroep keuses.
Hoekom is Gio Aplon, Siya Kolisi en Juan de Jongh nie in die groep nie? Hoekom is 'n nie-veelsydige speler soos Wynand Oliver, wat nie op vorm is nie in die span? Aplon het veel meer vlugvoetige skietgoed in méér as een posisie as baie ander Springbok-agterspelers.
Ek wonder ook op watter planeet 'n Sondagkoerant-rugbyskrywer, met 'n skuilnaam, hom bevind. Dis mos louter twak om vir die res van die land te skryf dat Heyneke Meyer 'raakgevat' het met sy spankeuse.
Dis 'n klap in die gesig van die Kapenaars en ander provinsies se rugbyondersteuners om net drie WP-spelers, twee Cheetahs en twee Lions in te sluit teenoor die 13 Bulle en 12 Sharks. Swaai die Bulle en die Sharks dan tans die septer in Suid-Afrikaanse rugby?
Dit is tyd dat die publiek die Springbokspan kies. Chaos? Miskien ja. Dit sal egter interessant wees as daar 'n publieke steekproef gedoen word en dit vergelyk word met kundiges se spankeuses.
Alternatiewelik moet sowat 20 hoë profiel rugbykundiges die span kies.
Hierdie rugby ghoeroes sal toegang tot die fynste statistiek hê, wat hul taak sal vergemaklik. Hoe so 'n proses moet werk moet beredeneer word.
GESELS SAAM: Wat dink jy van die Springbokgroep wat die afgelope naweek aangekondig is? Wie sou jy graag in die groep wou sien? Deel jou mening hier.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
