Ek het in 'n ouetehuis gewerk en ja dit was 'n fantastiese plek vir oumensies, baie, baie netjies. Moenie dink ons as mediese susters kan nie ook liefde gee vir daardie pragtige oumense nie.
Ek dink soms het ons meer aandag, liefde en geduld aan hulle gegee as hul eie kinders.
Daar is net een groot verskil, moenie jou ouer daar gaan aflaai en dink jy is nou ontslae van 'n groot las nie. Nee, gaan besoek jou ouer en gee hulle ook al die liefde wat jy kan.
Ek kan net sê ek is al vier jaar weg en baie van hul kinders is nog met my bevriend.
Hierdie ouetehuis is in Alberton en huisves omtrent 200 oumense en daardie oumense was en is my lewe. Wanneer so 'n oumens sterf staan ons by hulle en hou hul hand vas want ons weet hulle is bang vir die vreemde.
Mense doen marknavorsing. Gaan besoek gerus ’n ouetehuis en raak betrokke en sien daar is tog so 'n behoefte dat eensame oumense beter aanpas.
Daar is byvoorbeeld nie 'n beter plek vir iemand met Alzheimers se siekte nie want hulle word met waardering en liefde versorg.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
