Die vrou was geskape met die doel om die man aan te vul, of so verstaan ek die Bybel. 'n Maat vir die man; man moet haar eer, respekteer en alles en nog wat.
Die vrou het deesdae alhoe meer op die voorgrond begin tree en duidelik begin wegbeweeg van die "ou" sienswyse van agter die man staan! Sy is nie meer "agter" of "langsaan" of "teenaan" hom nie; inteendeel, dit skyn asof sy nou "voor" hom en "weg" van hom af beweeg.
Tradisioneel het sy die van/naam van die man aangeneem wanneer hulle in die huwelik getree het. 'n Gebaar/teken dat sy hom gaan/sal "aankleef" en hom in alles sal "bystaan"! Sy sou daardeur haar "ou" identiteit" agterwee laat en die "nuwe" as haar eie aanneem, is die veronderstelling!
Dit laat 'n mens dink, waarom die nuwe tendens om haar nooiensvan te behou en te koppel aan die van haar man!
Dit was as "mode" en "in" beskou, toe Sanchez-Vicario (tennisspeelster), eerste daarmee vorendag gekom het! Sy het dit om aanvaarbare redes gedoen, wat sy ook baie mooi aan die media verduidelik het! Vandag lyk dit asof ieder en elke vrou 'n "gekoppelde van" dra asof dit hoogmode is. Is dit 'n manier om aan die wereld/vriende te wys dat sy onafhanklik is; dat sy 'n persoon van haar eie is of dat sy nie die man as hooffiguur hoef te beskou nie, dat sy daardeur wil bewys dat sy "weg" beweeg van die ou en tradisionele posisie van "agter" of "langsaan" die man staan?
In daardie geval is dit ietwat komies; want hoe beweeg jy vorentoe of weg van "iets/iemand en jy "sleep" of dra nog steeds iets van daardie persoon saam?
Hulle is eie, uniek, wispelturig en modebewus soos kan kom, maar dit kan ontaard in 'n "komedie" of platweg net "onnosel" wees; om saam met die stroom te beweeg!
Dink maar aan "mevrou-dokter-dominee Janse Van Rensburg-Smith-Olckers"?!! (Spreekwoordelik gesproke); boon-op het mev.dr.ds. twee of drie soms vier voorname wat haar titel vergesel???!!
Oordink vroue ooit hierdie stap; om 'n dubbele van aan te neem? Neem hulle in ag met watter las hul kinders opgesaal gaan sit en die "moontlike" gespot deur ander kinders? Hoe hanteer hulle die ondertekening van dokumente?
Sê hulle daardeur dat hulle nog steeds bly vaskleef aan ouers, alhoewel sy "volwasse" genoeg was om die besluit te maak om te trou? Sê sy nie eintlik daardeur dat sy maar elke keer na haar ouers toe kan gaan as die huwelik soms nie so lekker gaan uitwerk nie?
Waar is die belofte van ..."deur dik en dun....".dan? Is dit maar net weer 'n mode-gier wat hulle beetgekry het; as ander dit kan doen, waarom nie ek nie?
Eva het die appel aan Adam gegee om 'n hap daarvan te neem. Hoogs waarskynlik het hy dit geëet om enige konflik/rusie te vermy!!
Moontlik aanvaar die mans hierdie "gekoppel van vanne" ook om dieselfde rede: laat slapende ....(vroue) met rus en laat Gods water oor Gods akker loop!
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
