Levi se weglating nie onregverdig
deur Morgan
2012-02-22 13:00
Die Proteas se nuwe T20-sensasie, Richard Levi is oor die afgelope paar dae op almal se lippe.
Hy’t oor die naweek allerhande rekords laat spat met sy kolfbeurt van 'n onoorwonne 117 in die tweede T20- internasionale wedstryd teen Nieu-Seeland, en hy’t natuurlik ‘n hele klomp mense se aandag gevang.
Ongelukkig is Levi se toer van Nieu-Seeland nou iets van die verlede. Hy’s op pad terug Suid-Afrika toe en sal voortaan vir die Cobras in die plaaslike T20-toernooi speel. Op Twitter het dit omtrent gegons oor sy weglating.
Die meerderheid “kenners”, ondersteuners en joernaliste voel hy moes aangebly het vir die eendagreeks, veral met Graeme Smith se swak spelpeil deesdae. Baie voel sy kragspel bo aan die Proteas se kolforde kan ‘n groot aanwins wees en met sy huidige vorm sal dit goed wees om hom so veel as moontlik speelkans te gee.
Die Proteas se hoofkeurder, Andrew Hudson, het sy beslissing verdedig deur te sê Levi se vertoning die ander dag word nie oor die hoof gesien nie en dat sy tyd in die ander vorms van die spel wel sal kom.
Ek stem daarmee saam.
Ek dink, met die oog op die T20-wêreldbeker later vanjaar in Sri Lanka, is dit belangrik vir Levi om op die korter weergawe van die spel te fokus. Speel vir eers net T20-wedstryde, al is dit net plaaslike wedstryde.
Laat hom toe om aan sy spel te skaaf sodat hy Suid-Afrika kan help om hul eerste internasionale toernooi in ‘n baie lang tyd te wen.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.