Insake: Springbokke
Die pak begin hul voete vind. Ongelukkig hou beserings ons baie terug. Coenie Oosthuizen sou definitief in Dean Greyling se plek op die bank gewees het.
Ek is ’n Bloubul, maar beteken nie ek gaan Bloubul-spelers lek as hul nie daar hoort nie. En ongelukkig behoort Dean Greyling en Morné Steyn, op huidige vorm, nie daar nie. Zane Kirchner kan gebench word, maar Johan Goosen en Pat Lambie hoort in die begin 15-tal.
Dit bygesê glo ek ook dat Jean de Villiers nie ’n buitesenter is nie en hoort self nie daar nie. ’n Fisieke 12 soos Frans Steyn en ’n 13 met flair soos Juan de Jongh behoort ’n goeie senter-kombinasie te wees. As ons maar net Jaque Fourie kon terug kry.
Die Bokke het heelwat minder bal weggeskop, maar het steeds bal weg geskop.
Kirchner verskaf geen teen-aanvalle nie en dis ’n groot seerpunt vir my.
Ons hoef glad nie te panic nie. Heyneke Meyer het nou eers die span vir vier maande en dis waansinnig om te verwag dat die Bokke die wêreld moet verpletter in daardie tyd.
Nieu-Seeland het Henry se assistent-afrigter en meeste van hulle Wêreldbeker-span. Australië het dieselfde afrigter vir jare en baie van hul WB-spelers.
Die Bokke... Ons het baie ervaring verloor aan aftrede, beserings en spelers wat nie beskikbaar is nie en nuwe onervare spelers en ’n heel nuwe afrigtingspan. Ons moet darem ook ’n bietjie realisties wees.
Laat die manne foute maak en hul voete vind, Heyneke Meyer ingesluit, en kom ons kyk wat maak die Bokke volgende jaar.
Maar as hy aanhou met Steyn en Kirchner kan ek self hom nie meer verdedig nie.
Hoe voel jy oor die Springbokke se onmiddellike toekoms ná die afgelope naweek? Deel jou mening hier.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
