Konfederasie in SA nodig vir volke om te oorleef
deur Willie Rheeder
2012-02-22 07:48
Met Suid-Afrika se diversiteit kan enige volk in die land sy identiteit verloor as hy nie volle politiese mag verkry nie.
Ongelukkig bestaan ons land uit amper 12 hoof volksgroeperinge soos bv. Xhosas, Zoeloes, Tswanas, Afrikaners, bruin mense ens.
Die eerste teken wanneer ’n volk sy identiteit verloor, is wanneer sy taal begin uitsterf. Hoeveel van die inheemse tale word nog rêrig voltyds gepraat? Baie min.
Dit is wanneer ‘n regering soos die ANC nie omgee oor taal en kultuur van volke nie. Onder die ANC-regering het ons gesien hoe tale besig is om agteruit te gaan weens die verengelsing van alle sektore in Suid-Afrika. Die ANC het byna geen respek vir kulturele gemeenskappe in Suid-Afrika nie.
Hoe kan ons hierdie situasie moontlik red? Volke kort volle politiese mag oor sy eie sake.
Watter tipe regeringsvorm kan ons gebruik, waar die diversiteit behoue bly en waar volke volle politiese mag het? ‘n Konfederale stelsel.
Wat is ’n Konfederale Stelsel? Elke volk word ‘n lidstaat van die Suid-Afrikaanse Konfederasie, waar hy oor sy gebied regeer, waar hy permanent gevestig is en die meerderheid uitmaak. Die regeringstelsel word op die oomblik gevolg in Spanje en België. In België is daar drie volke wat elk sy outonomie het, maar deel vorm van ’n federasie.
Persone wat histories nie deel is van ’n bepaalde gebied binne die lidstaat nie, kan aanbly in die lidland maar moet die taal en kultuur van daardie spesifieke volk aanvaar en uitlewe in dié lidstaat.
Dié vorm van regering gaan die diversiteit van ons land beskerm en so ook elke volk se identiteit.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.