Ek dink die besluit om kondome by skole beskikbaar te stel is glad nie 'n slegte idee nie. Die stap kan dalk verhoed dat so baie tieners swanger word en die skool moet verlaat.
Die regering gaan ook niemand dwing om dit by sy skool te hê nie. Die skool se beheerliggaam en die ouers sal daaroor kan besluit en hulle sal weet wat die beste vir die skool is.
Ek dink ook glad nie dit moedig die kinders aan om seksueel aktief te wees nie. As die kind dit nie nou doen nie, sal die kondoom hom of haar sekerlik nie aanmoedig om dit te begin doen nie.
Sommige kinders gee by die huis voor om die engel Gabriël te wees, maar as hulle ouers nie kyk nie, knyp hulle die kat in die donker.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
