Iets wat ek toenemend mis by die mense om my is die klein gebare van goeie maniere – klein gebare wat wys ons gee om vir ons medemens.
Aan die begin was dit net hier en daar sigbaar, maar deesdae raak dit die norm.
Dink byvoorbeeld aan iets soos om op te staan vir iemand in 'n trein. Dis vir my die lelikste ding as 'n ouer dame staan terwyl 'n jong man reg langs haar gemaklik agteroor sit. Deesdae lyk dit of niemand meer eers oorweeg om op te staan nie.
Ek sê nie ons moet outyds en tradisioneel wees nie, maar partykeer is dit die klein dingetjies wat wys jy is ordentlik en gee om vir ander.
Partykeer is al wat dit vat om vir iemand 'n plek voor jou in die verkeer te gee – maar dit lyk of dit ook iets van die verlede is.
Ek leer my kinders elke dag om respek te hê vir mense en om ander se belange in ag te neem. Maar dit lyk vir my ek is een van die laaste mense wat dit as belangrik ag.
Wat gaan van ons word as ons almal net selfsugtig lewe?
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
