Kerk maak Afrikaners ruggraatloos
deur Levett Prins
2010-06-18 12:18
Die Afrikaner leef in ‘n land met een van die hoogste syfers vir ernstige misdaad en die regering diskrimineer teen ons met die rassistiese BEE-beleid.
Kom ons kyk hoe die NG Kerk baie Afrikaners so rugraatloos maak dat hulle net passief kan sit en kyk hoe sleg dit gaan.
Tydens ‘n onlangse braai was die onderwerp van die gesprek “Wat sou jy doen as hier nou ‘n bende gewapende rowers instap, almal se selfone afvat, die vrouens begin verkrag en die waardevolle items begin steel?”.
Daar was ‘n groot aantal mense wat self-erkende groot Christine van NG Kerk Moreletapark is. Slegs ‘n paar is gelowiges, maar nie die soort wat gereeld kerk toe gaan, loop en dweep of ander mense probeer oortuig hoe groot sondaars hulle is. Een persoon is ‘n ateïs.
Met dit as agtergrond, hiermee die uitslag:
Twee uit die 12 mense sal met die eerste geleentheid wat 'n rower se aandag afgetrek is, bv. ‘n steakmes gryp, die rower aanval en probeer om sy wapen af te vat. Een van hierdie persone is die ateïs.
Een dame sal ongeag die feit dat sy geskiet kan word ‘n rower net bestorm en hom aanval.
Die res is die “Groot Christine” en raai wat hulle gaan doen ... hulle gaan begin bid!
Nou vra ek jou met hande in die hare, wat is die NG Kerk besig om aan die Afrikaner te doen? Moet ons vermoor, verkrag en onderdruk word terwyl die “Groot Christine” khumbaja sing en vir die land bid?
Ons braai was geen uitsondering gewees nie. Gaan soek gerus tussen die kommentaar op artikels op hierdie webblad asook Facebook-groepe wat gaan oor geweld en ander probleme in SA. Die tipiese trant is “Al wat ons hoef te doen is op ons knieë gaan en bid. Ons God is magtiger as die vyand en sal ons red”.
Die boodskap van die Bybel kan op verskeie maniere aan mense oorgedra word en dit is tyd dat die NG Kerk begin kyk of hulle interpretasie die selfvernietiging of voortuitgang van die Afrikaner beteken.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.