Hulplyn 'n verleentheid
deur Anoniem
2009-12-03 08:30
Die nuus dat pres. Zuma se hulplyn 'n mislukking is, kom nie juis as 'n verrassing nie.
Van die eerste dag af wat dié lyn geloods is was die uitkoms daarvan voorspelbaar, en die berigte daaroor is net 'n bevestiging van wat ons almal geweet het.
Noem my 'n pessimis, maar ons land se probleme gaan nie opgelos word deur praatjies en tolvrye nommers nie.
Dis goed om te weet wat die mense wil hê, maar wanneer die klagtes inkom moet 'n mens ook 'n plan van aksie hê om die probleme aan te spreek, en 'n mens moet die wil hê om veranderings te weeg te bring.
Dit was nog altyd 'n probleem van ons regering: baie planne word gemaak; partykeer is die planne uitstekend. Maar wanneer dit kom by die deurvoer van die planne kom daar niks.
Ek voel jammer vir diegene wat hulle hoop gesit het in hierdie telefoonlyn; maar dit was van die begin af duidelik dat dit 'n mislukking sal wees.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.