Ek is steeds geskok oor die moord op ds. Willem Brits en sy aanstaande skoonseun in Harrismith verlede week.
Ek was die afgelope naweek geboei aan al wat 'n nuuskanaal is om die gebeure te volg. Toe ek hoor die aangenome seun is in hegtenis geneem, kon ek dit nie glo nie.
Wat dryf iemand – 'n kind; aangenome of nie – om tot so 'n wrede daad oor te gaan? Hoe leef jy met jou gewete?
Ons sal natuurlik nooit weet wat agter geslote deure aangegaan het nie. Elke familie het maar hulle haakplekke.
Ek hoop dat die ware motief vir die aanval tog later sal uitkom. Ek sal graag wil hoor hoekom die moorde gepleeg was.
Allerhande gerugte vlieg nou heen en weer, maar die gereg moet maar nou sy gang gaan. Ek wens die dominee se vrou, Dorothea, alle beterskap toe.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
