Geld word in die water gegooi
deur Elmarie
2010-09-02 07:39
Een ding kan ek net nie verstaan nie: Hoekom mors mense hulle geld op die Lotto?
Jou kans om te wen is een in 'n hele paar miljoen. Die kans is groter dat 'n Boeing op jou kop val!
Tog sit mense Saterdag na Saterdag om en wag vir hulle groot kans om die miljoene in hulle sak te steek. Dit bly vir my net ongelooflik.
Party mense spandeer honderde rande per week daaraan – en dan het hulle nie eers genoeg geld vir kos in die huis nie; wat nog van al die ander benodighede! Maar vir die Lotto is daar altyd iets wat afgeknyp kan word.
Iemand het eendag gese Lotto is 'n belasting vir domheid, en ek dink ek stem al hoe meer met daardie persoon saam.
As jy jou geld wil weggooi, stuur dit vir 'n liefdadigheidsorganisasie. Moet dit nie weggooi in die hoop dat jy 'n miljoen gaan wen nie.
Die meeste mense wat die Lotto wen mors in elk geval hulle geld baie vinnig uit. En die rede is eintlik eenvoudig: Want hulle kon nie ordentlik werk met 'n bietjie geld nie, so hoekom sal hulle nou?
Gee vir my eerlike werk... maar moenie van my verwag om my geld op sulke goed te mors nie.
Ek kan nie verstaan dat mense dit nie kan insien nie.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.