Vergelyk 'n mens die middestad van Johannesburg en Kaapstad, tref dit jou sommer vinnig dat jy met twee heeltemal verskillende wêrelde te doen het.
In Johannesburg kan jy dit nie in die middestad waag nie. Dis meestal vuil, en die algemene indruk wat geskep word is baie sleg.
Kaapstad, daarenteen, is meestal mooi skoon. 'n Mens kan deur die strate loop, en die grootste deel van die stad lyk die meeste van die tyd netjies.
Die ooreenkomste tussen die twee is ook belangrik. Altwee is groot stede met miljoene mense. Altwee se begrotings is baie groot, en altwee van hulle het heelwat probleme om op te los.
Hoekom dan die verskil tussen die twee? Hoekom lyk die een blink, terwyl die ander een stink?
Dis duidelik dat dit niks te make het met hulpbronne nie. Johannesburg het net soveel geld, indien nie meer nie, as Kaapstad. Johannesburg se begroting is tien teen een nog heelwat groter as Kaapstad s'n ook.
Die probleem is nie hulpbronne nie. Die probleem is die wil om dinge reg te ruk.
Wanneer 'n mens in Kaapstad kom, kan jy nie anders as om te voel die plaaslike regering wil dinge regruk nie. As ek net iets op Twitter sê oor Kaapstad, antwoord Helen Zille my sommer persoonlik. Kla ek in Johannesburg oor iets, is dit asof niemand my hoor nie.
Wanneer my familie in Kaapstad 'n slaggat rapporteer, kry hulle terugvoer en dit word amper onmiddellik reggemaak. In Johannesburg probeer ek dieselfde doen, maar die owerhede ignoreer my vir maande.
Wat is die verskil? Die verskil is nie geld of ander hulpbronne nie. Die verskil is owerhede wat omgee. Die verskil is owerhede wat die wil het om iets positiefs te doen, en wat nie sommer net hulle salarisse verdien nie.
Ek wens dit kan die standaard word in ons land, eerder as die uitsondering.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
