Dit ontaard in moddergooiery
deur Wynand Boshoff
2010-03-08 07:32
Ek is 'n VF-ondersteuner wat bitter teleurgesteld was met Dr. Mulder se kabinetspos. Ek is ook 'n persoonlike vriend van Willie Spies, en ons het van skooldae af letterlik dae saam gekuier.
Ek is ook vir byna 10 jaar 'n persoonlike vriend van Jaco Mulder.
Altwee het merkwaardige vermoëns, en op verskillende maniere veel vermag om Afrikanervryheid te herstel. Daar is geen rede om hulle teenoor mekaar te stel en 'n keuse te maak nie.
Van Willie se ondersteuners is egter besig om die Afrikaner se oeroue swakste kenmerk te vertoon, naamlik om harder te baklei met die ou wat jou bondgenoot moet wees, as met jou vyand.
Die VF+ en Afriforum sien die huidige bedeling as wesenlik skadelik vir Afrikaners. Dit plaas hulle teenoor die DA en die ANC wat bloot verskil oor wie dit die beste kan bestuur.
Willie, jou mense dien nie jou of ons gedeelde ideaal se belange nie. Ek hoop jy kan hulle stop.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.