Ek wonder hoeveel mense regtig bewus is dat daar gratis rekenaarsagteware bestaan wat baie goed teen kommersiële sagteware meeding.
Ek gebruik Ubuntu 10.10 dit is soos Windows 7. Ubuntu is heeltemal gratis, jy betaal net vir jou data wat afgelaai word per megagreep. Baie mense sou redeneer dat dit dan nie gratis is nie.
Wel as jy Windows 7 gaan koop vir kom ons sê R1 500 (net `n voorbeeld), kan jy Ubuntu op`n disket bestel vir R20. Windows 7 het allerhande sagteware opgradering waarvoor jy `n internet konneksie nodig het. Presies dieselfde geld vir Ubuntu. So met ander woorde ’n mens betaal eintlik net vir die data wat afgelaai word. Dus wat betref bekostigbaarheid kan Windows7 glad nie vergelyk word met Ubuntu nie.
Verder is amper al die aflaaibare programmatuur van Ubuntu heeltemal gratis. Geen krediet kaarte of paypal nie, nada -niks! Ongelooflik?
Selfs die gratis "Office" programmatuur sal sy man kan staan teen die kommersiële Microsoft office. Dit klink seker te goed om waar te wees, maar dit is. Verskeie mediaspelers, fotoredigeerders, ag bykans alle tipe programmatuur waaraan ’n mens kan dink is gratis, en aflaaibaar met Ubuntu.
Ubuntu Linux word geskryf en onderhou deur gemeenskaps programmeerders oor die wêreld heen.
Indien u daaraan sou dink, doen net eers 'n bietjie navorsing oor die internet en besluit self. Ek is nie 'n rekenaar "boffin" nie en ag myself nie eers as ’n redelike kenner van rekenaars nie.
Gaan kyk gerus, u sal dalk aangenaam verras wees.
Hierdie is ’n uittreksel uit Nuus24-blogger GroenMamba33 se blog. Lees meer hier.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
