Belasting van wieg tot graf
deur Brentie
2010-03-02 13:34
Dit is weer tyd vir die invul van die jaarlikse belastingvorms.
Dit is 'n nagmerrie vir baie en verhoog beslis die bloeddruk as jy wag vir al die dokumente wat nodig is om die vorm in te vul.
As jy aanlyn kan gaan help dit baie maar nie almal is so gelukkig nie. Baie gaan maar na 'n inkomstebelasting-kantoor en gaan sit in rye en wag vir 'n belastingkonsultant om hul by te staan.
Dit is waar jy hulle sal aantref. Die oues van dae wat nog 'n inkomste kry uit bv. beleggings wat hul pensioen aanvul.
Party is al so oud dat hulle al krom loop en die papiere krampagtig in vereelte hande vasklou.
Dan vra jy jouself hoekom is dit nodig – al is daar afsnypunte – dat mense wat hul lewe hard gewerk het om iets bymekaar te maak en dit nie in hul jeug geblaas het nie, op hul oudag nog met die belastingbeslommernis opgesaal word.
Hoekom kan hulle nie hul oudag sonder die jaarlikse trauma geniet nie?
Hulle betaal BTW op alles van medisyne, kruideniersware tot die dag wat hulle hul koppe neerlê.
Behoort mense nie as hulle die ouderdom 70 bereik het van die beslommernis van inkomstebelasting vrygestel te word nie?
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.