Afrikaner deesdae heeltyd ‘slagoffer’
deur Armando
2012-02-08 08:08
Met verwysing na Johan Swarts se rubriek oor Julius Malema:
Dis vir my interessant dat die reaksie op sy skrywe amper uitsluitlik negatief is.
Dít terwyl Swarts juis probeer om te wys hoe die media met wit Afrikaners se gevoelens probeer speel om vrees aan te wakker.
Van wanneer af het ons so kortsigtig geraak? Het ons dan nou almal geval vir die media se truuks?
Swarts se hele punt is dat wit Suid-Afrikaners die slagoffers is van die media se vrees-speletjies. Gister was dit Malema. Volgende week is dit weer iets anders wat ons bedreig. Elke keer hardloop ons histeries rond, maar wanneer daardie spesifieke "bedreiging" weer verby is (soos ou Malema) moet ons weer na iets nuuts soek.
Wanneer het Afrikaners so 'n kry-my-jammer-houding aangeneem? Van wanneer af is ons so swak dat ons die heeltyd slagoffers speel? Almal kla altyd dat ons 'n bydrae het om te lewer – maar die laaste paar jaar is ons bydrae net om in sirkels te hardloop en blou moord te skreeu.
Word wakker. Die wêreld is nie teen die Afrikaner nie. As ons nie gaan leer om onsself uit te leef in 'n pluralistiese samelewing saam met ander wat nie soos ons is nie, gaan ons tot in einde van dae swaar kry.
Johan Swarts behoort geprys te word vir die feit dat hy ons neiging uitwys om die heeltyd slagoffer te wil speel. Word wakker. Staan op.
Word gepubliseer op MyNuus24 deur jou storie, brief of rubriek aan ons te stuur.
Stuur jou nuusfoto's
Neem kennis: Alle artikels en briewe wat op MyNuus24 gepubliseer word is geskryf deur onafhanklike lede van die Nuus24-gemeenskap. Die sienings van gebruikers wat op Nuus24 gepubliseer word verteenwoordig dus dié van die individue self, en is nie noodwendig die sienings van Nuus24 nie. Nuus24 se redakteurs behou ook die reg voor om enige kommentaar wat ontvang word te redigeer of af te keur.