Omkoopgeld?
Betaal jy eerder omkoopgeld as die boete?
Dit is dalk meer algemeen as wat ons wil erken dat mense eerder die omkoopgeld betaal om die boete te vermy...
MAAR:
Dink daaraan, jy betaal die omkoopgeld en die beampte aanvaar dit natuurlik met gierige kloue. Nou begin daardie selfde beamptes aanvaar dat die mense ‘gewillig’ is om eerder omkoopgeld te betaal as die boetes.
Hulle blaas boetegeld op om jou die skrik op die lyf te jaag en jy is maar te gewillig om die ‘omkoopgeld’ te betaal al is dit somtyds dalk meer as die boete self.
Môre-oormôre aanvaar die beamptes dit nie meer nie, hulle VERWAG dat jy omkoopgeld gaan betaal en sodra jy tekens toon dat jy nie omkoopgeld wil of gaan betaal nie, dan word daar dalk skielik hardhandig opgetree teenoor ‘jou’.
Nou hierdie ‘jou’ kan jou eie vrou of kind wees wat nou seerkry as gevolg van ’n keuse wat JY gemaak het.
Ons lees taamlik gereeld in die koerante dat daar hardhandig teenoor vroue (ja, ek weet mans ook, maar die norm is eerder vroue) opgetree word. Nou begin ek myself afvra, nadat ek gelees het hoe mense spog oor hierdie omkoopgeld wat hulle betaal het of hierdie hardhandigheid nie die nagevolge is van hierdie korrupte lede van die publiek nie.
As jy bereid is om omkoopgeld te betaal of te aanvaar, hoe kan jy enigsins vertrou word op ander gebiede...?
Dit beteken ook jy is deel van die korrupsie wat ons land vernietig.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
