Ek het aan alle arbeiders in SA 'n voorstel...
Kom ons gaan sit eenmaal 'n jaar in elke klein besigheid saam met die eienaar en sy finansiële state: Ons werk alle uitgawes as 'n % van die besigheid se omset uit.
Dus as 'n lonerekening byvoorbeeld 2% van die omset is, word dit in 'n arbeidsrekening betaal wat geadministreer word deur die werker volgens die ure wat gewerk is en verantwoordelikheid van die lede.
Die werkers self gaan vinnig die swakkeres uitwerk. Die arbeiders deel dan in voorspoed en swaar tye, en elke besigheid word individueel beoordeel, want die besighede is uniek.
Geen boer se plaas is dieselfde nie. Dit sal almal aanspoor om sy beste te lewer, want ons werk nou saam om 'n sukses van die besigheid te maak. Produktiwiteit gaan toeneem. En almal gaan daarby baat.
Ek daag julle almal uit, aanvaar my aanbod!
Vir die oningeligte: ’n Inkomstestaat kan alles in % in gedeel word. Dan sal die werker van elke besigheid soms besef dat die eienaar geweldige risoko's neem deur geld te leen by banke (miljoene) wat terug betaal moet word in 10 jaar en in swak ekonomiese tye moet hy plan maak om te oorleef.
Ongeag die staat se verhoogde lone per jaar.
Almal gaan 'n trots ontwikkel en kompetisie gaan toeneem, arbeidsgeleenthede gaan toeneem, werkers sal in kennis wil verbeter ens.
Die konsep van 'n salaris, ongeag wat in die mikro/ makro ekonomie aangaan, of ek my kant bring of nie, is verby!
Almal is dan entrepreneurs.
Alle artikels en briewe wat op MyNuus24 gepubliseer word is geskryf deur onafhanklike lede van Nuus24 se gebruikersgemeenskap. Die opinies van lesers wat in hierdie afdeling gepubliseer word is hul eie, en verteenwoordig nie noodwendig die siening van Nuus24 nie. Nuus24 se redakteurs behou die reg voor om enige of alle kommentaar op berigte te verwyder.
