Yank sit 1.6 miljoen km in 4 jaar op sy Ford
2010-10-27 11:24
Kaapstad - In die VSA speel hulle nie rond met hul bakkies nie.
Nee, hier rý hulle die goed. Vat vir Phil Marsella van Florida as voorbeeld.
Hy het die afgelope vier jaar niks minder nie as 1,6 miljoen kilometer in sy Ford F-250 afgelê.
Siende dat Ford nie daarop staatmaak dat hul bakkies die ses-figuur-limiet op die klok sal verbysteek nie, het Marsella se odometer op 999 999 myle (1,6 miljoen km) gaan staan.
Dit beteken die Amerikaner ry 'n gemiddeld van 8 000km per week - gelykstaande aan 'n daagliske retoerrit tussen Bloemfontein en Pretoria! Marsella vervoer resieshonde van wedren tot wedren, van die een kant van die VSA tot die ander.
Sy onderhoudskostes het hom sover bykans R500 000 uit die sak gejaag.
Lees hier vir die volledige storie.
- Wheels24