Wenke om jou tenk te rek

2011-03-24 09:34

Kaapstad – Met brandstofpryse aan die toeneem het GEM Motoring Assist 'n paar wenke vir motoriste saamgestel om hul tenk so bietjie te rek.

Volgens David Williams, uitvoerende hoof van GEM Motoring Assist, het gesê motoriste moet hul voertuie gereeld laat diens om jou sodoende meer geld in die langtermyn te bespaar.

Voertuie se bande moet ten minste eenkeer ‘n maand nagegaan word en volgens die regte lugdruk opgeblaas word. Indien die bande selfs 'n klein bietjie afgeblaas is, kan dit jou petrolverbruik laat vermeerder. 

Moenie onnodige gewig in jou motor ronddra nie.

Moenie brandstof mors deur jou motor eers op te warm nie, skakel jou motor aan en ry onmiddellik.

Beplan jou reis voor jy vertrek en maak seker jy ken die roete wat jy moet ry. Sodoende hoef jy nie onnodig brandstof te vermors nie.

Verminder jou spoed met net ‘n paar kilometers. Wanneer jy 120km/h ry gebruik jy 9% meer brandstof as wat jy 100km/h sou ry.

- Vir meer wenke besoek iafrica.

- Volg Nuus24 op Twitter.