Verslae: Toyota's dood glo talle
2010-02-16 10:14
Washington - Die Amerikaanse regering het nuwe klagtes ontvang wat beweer 34 mense is sedert 2000 dood weens foutiewe versnellers van Toyota-voertuie.
Baie van die klagtes is die afgelope drie weke ingehandig.
'n Databasis van die regering het Maandag getoon dat die regering klagtes van 13 sterftes die afgelope 13 weke ontvang het.
Die sterftes het glo tussen 2005 en 2010 plaasgevind.
Teen einde 2009 is 21 sterftes in Toyota-voertuie aangemeld.
Toyota het oor die afgelope vier maande 8,5 miljoen voertuie wêreldwyd herroep weens probleme met versnellers, vloermatte en remme.
Daar is gewoonlik 'n toename in klagtes wanneer voertuie herroep word. Nie een van die klagtes is nagegaan nie.
– Sapa-AP